Fjósamaðurinn fékk sér frí
og ætlaði á ball
með svartadauða vasanum í
nú skyldi þó verða knall
í dag hann fyllir fjörtíu ár
og ölvaður varð hann
hann hugðist bjóða stúlkunum
sinn innri fjósamann.

Fjósi fram á gólfið fór
með eina dömuna
en upp á senu rumdi í kór
og spilaði marsúlka
fjósi fram á gólfið fór
með eina dömuna
en varð að hætta á miðri leið
því hún þoldi ekki lyktina.

Fjósa þetta ílla sveið
og afréð að bæta úr því
með hæversku, kurteisi og pí
hann bauð stúlkunni út í
en stúlkan varð svo ævareið
hún mölvaði pelann í mél
en fjósi labbaði heim á leið
eins og síld með klofið stél..



Upplýsingar um höfund vantar.