Í dag er einn af þessum góðu dögum. Þeir dagar þar sem gefnir eru út nýjir vefir fyrir viðskiptavini Snerpu eru alltaf sérstakir í okkar augum. Og í dag opna tveir nýir vefir og báðir nota þeir Snerpil Vefumsjón.

Vesturbyggð.is
Sveitafélagið Vesturbyggð hefur verið með í hönnun vef hjá okkur og kennir þar ýmissa nýjunga frá eldri vef þeirra. Sett hefur verið upp atburðadagatal til að skrá alla helstu atburði líðandi stundar. Einnig verður sú nýbreytni á nýja vefnum að allir bæjarfulltrúar geta núna bloggað um störf sín og fleira. Skapar þetta ákveðna nálgun við kjósendur í Vesturbyggð. Vefurinn státar af góðu myndaalbúmi frá lífinu á svæðinu. Stefna hjá Vesturbyggð er að halda úti lifandi og skemmtilegum bæjarvef og miðað við áhugann þar á bæ, á það eftir að takast vel.

Skoða vefsíðu Vesturbyggðar

Diva.is
Diva snyrtistofa hugsar til framtíðar og óskaði eftir nýjum vef til bættrar þjónustu fyrir sína viðskiptavini. Síðan er létt og skemmtileg með miklum fróðleik um starfsemi og þjónustu snyrtistofunnar. Þar má líka finna verð fyrir alla þjónustu. Á vefnum geta viðskiptavinir pantað tíma í snyrtingu og er þetta annar vefurinn á stuttum tíma sem tekur pöntunarkerfi Snerpils upp. Tímapöntunarkerfið er mjög auðvelt í notkun og á það vonandi eftir að auka þjónustustig snyrtistofunnar til muna.

Skoða vefsíðu Divu snyrtistofu

Og sólin skín...á frábærum degi!
...
Meira

Það er bjart framundan í verkefnastöðu Snerpu um þessar mundir. Mjög mikið hefur verið að gera og allskyns uppgangur innan fyrirtækisins. Endurnýjaður hefur verið vélbúnaður í vélasal og má þar nefna 1 vélaskáp og í hann 4 nýjar vélar, þar af 2 í póstsíur. Á hverjum degi koma inn um 150 til 200 þúsund skeyti og 80 til 90 prósent fara í beint ruslið! Fer það eftir vikudögum og tíðum ruslbombum sem felast í massívum fjöldapóst á lén sem eru hýst á vefþjónum okkar. Hreinsað var út úr vélasalnum gömlum vélbúnaði og lítur þetta mun betur út núna og erum við betur í stakk búin í baráttunni við ruslpóstinn. Í framhaldi af þessum aðgerðum verða svo vefþjónarnir uppfærðir og settir á betri vélbúnað. Á þriðja hundrað lén eru nú hýst á vefþjónum okkar og bætist stöðugt við. Allar vélar hafa fengið nýtt varaafl og er það plús, því rafmagn á Vestfjörðum getur verið óstöðugt á stundum.

Vefhönnunardeild Snerpu hefur haft í nógu að snúast, 3 vefir á leiðinni á vírana og einn fór út í dag.

Raggagarður í Súðavík er að opna vef á slóðinni raggagardur.is og má þar finna sögu garðsins og upplýsingar um leiktækin og annað. Raggagarður á sér merkilega sögu, en móðir Ragga, Vilborg Arnarsdóttir setti hann á laggirnar til minningar um son sinn er lést í umferðarslysi þann 19. ágúst 2001, þá aðeins 17 ára gamall. Merkilegt og gott framtak þarna á ferðinni. Raggagardur.is notar Snerpil vefumsjón og er ekki allt efni komið inn á vefinn enn, en Vilborg vinnur hörðum höndum að því verkefni.

Starfsfólk Snerpu óskar Vilborgu innilega til hamingju með nýju vefsíðuna.

Einnig er brjálað að gera á verkstæði okkar sem og í annari þjónustu. Mörg smærri fyrirtæki hafa verið að nýta sér þjónustusamninga við Snerpu, en þeir fela í sér fasta viðveru í fyrirtækjum. Nokkur fyrirtæki hafa verið að koma sér upp miðlægum server sem sér um vefpóst, bókhaldskerfi og ýmislegt fleira og er sniðug lausn í tölvumálum fyrirtækja í dag.

Við lítum björtum augum á framtíðina!
...
Meira

Sirrý og Finni á Þingeyri reka og eiga Gisthúsið Við fjörðinn á þingeyri. Nú nýlega óskuðu þau eftir að endurhannað yrði vefsvæði þeirra og tók Snerpa vel í það og skellti sér í málið. Hér er svo útkoman og kennir þarna margra grasa eins og sagt er. Á vefsíðunni má finna allar upplýsingar um gistingu, veitingar og verð fyrir þjónustuna. Staðsetningu gistihússins eru gerð skil og einnig stutt brot úr sögu Þingeyrar. Myndir eiga stórann þátt í hönnun síðunnar og er vel hægt að gera sér grein fyrir umhverfinu og náttúrunni í kringum Þingeyri.

Sirrý og Finni reka líka F &S Hópferðabíla og hægt er að skoða áætlun bílana á síðunni.

Vefsíðan er á Íslensku og ensku.

Skoða vidfjordinn.is

Snerpa ehf óskar Sirrý og Finna innilega til hamingju með nýjan vef!...
Meira

Sólstafir Vestfjarða - systursamtök Stígamóta hafa opna nýjan vef. Snemma í Febrúar var haft samband við okkur hér í Snerpu og var þar á ferðinni Sunneva Sigurðardóttir. Var hún að athuga með vefsíðu fyrir nýstofnuð samtök sín Sólstafi.
Eftir stuttann fund með yfirmönnum Snerpu var ákveðið að styrkja Sólstafi Vestfjarða um allann þennan pakka og gefa þeim alla vinnu við vefsíðuna og aðgang að Snerpill vefumsjón.

Vinnan gekk í alla staði vel og hefur vefsíðan verið formlega opnuð núna kl: 9 á vefslóðinni http://www.solstafir.is.


Óskum við Sólstöfum Vestfjarða innilega til hamingju með nýja vefinn!

Starfsfólk Snerpu ehf....
Meira

Mikið er að gerast í vefmálunum hérna í Snerpu, og rjúka vefsíðurnar út eins og heitar lummur þessa dagana. Fylkir.is ferðaskrifstofa kom að máli við okkur og óskaði eftir nýrri hönnun á gamalli og góðri síðu sem Fylkir Ágússton hefur haldið úti síðan 1997. Er þetta þriðja kynslóð vefsvæðis hans og hefur síðan virkilega vaxið og dafnað síðan 1997. Er vefsíðan sett upp  í Snerpill vefumsjón, vefumsjónarkerfi Snerpu  ehf. Á vefsíðunni má finna og panta hinar ýmsu upplýsingar um Danmörku, og ferðalög þangað, hvort sem það er í formi texta, tengla, skráa eða mynda.

Starfsfólk Snerpu óskar Fylkir ferðaskrifstofu til hamingju með nýjan vef.

Sólrisuhátíð

Vefsíða Sólrisuhátiðar Menntaskólans á Ísafirði hefur einnig fengið nýja vefsíðu. Var sett upp einföld og skemmtileg síða fyrir hátíðina með fréttakerfi og undisíðum fyrir dagskrá og texta um hátíðina. Endilega skoðið vefsíðuna og farið yfir veglega og skemmtilega dagskrá Sólrisu 2007!

Starfsfólk Snerpu óskar Sólrisunefnd til hamingju með nýjan vef.

Snerpill.is

Snerpill vefumsjón hefur loksins fengið sína eigin vefsíðu. Þar má finna allar vefsíður sem hafa verið settar upp í kerfinu og einnig má skoða þar fídusa kerfisins. Á næstunni munu svo koma upp hjálparhluti fyrir kerfisnotendur og einnig demo af kerfinu. Hvetjum við alla til að kynna sér eiginleika Snerpils vefumsjón.

Starfsfólk Snerpu óskar Snerpu til hamingju með nýjan vef.
...
Meira

Hraðfrystihúsið Gunnvör hefur ráðið Snerpu til að þjónusta sín tölvumál og var skrifað undir þjónustusamning í síðustu viku. Munu starfsmenn Snerpu ehf sjá um öll tölvumál Hraðfrystihússins með fastri viðveru í hverjum mánuði á staðnum.
Hefur þetta form þjónustustigs notið vaxandi vinsælda meðal fyrirtækja hér vestra og sífellt bætast við ný fyrirtæki í fyrirtækjaþjónustu Snerpu.

Bjóðum við HG velkomið í hópinn.

Ný vefsíða Skrifstofuhótelsins

Ný vefsíða hefur verið hönnuð og sett á netið á vegum Skrifstofuhótelsins í Neista á Ísafirði. Á vefsíðunni má fina allar upplýsingar um skrifstofuhótelið, myndir af aðstöðunni og upplýsingar um námskeiðahald, en sá liður mun vera ofarlega á baugi í starfsemi þess. Vefsíðan er bæði á íslensku og ensku.
Vefsíðan er sett upp í vefumsjónarkerfinu Snerpill vefumsjón.

Skoða skrifstofuhotel.is

Starfsfólk Snerpu óskar Skrifstofuhótelinu til hamingju með nýju síðuna.
...
Meira

Samningur þessi gildir um þjónustu við tölvubúnað stofnana sveitarfélagsins og hefur í för með sér mikið hagræði fyrir Ísafjarðarbæ sem fær faglega ráðgjöf og þjónustu á bestu kjörum.

Í Snerpu vinna 9 starfsmenn, hver með sérfræðiþekkingu á sínu sviði. Þar af 3 tölvumenn í fyrirtækja og þjónustudeild, vel þjálfaðir og menntaðir í öllu sem við kemur rekstri, uppfærslum og viðgerðum á hvers konar tölvum og almennum tölvukerfum. Fyrirtækið rekur einnig öfluga internetþjónustu og vefhönnunardeild og er þekking starfsmanna Snerpu því víðtæk. Þetta þýðir að Snerpa er vel í stakk búin til að veita Ísafjarðarbæ örugga og fljóta þjónustu....
Meira

Ný vefsíða hefur verið sett á internetið á vegum Slökkviliðs Ísafjarðarbæjar og fór hún formlega á netið í dag. Var hún opnuð með pompi og prakt á Slökkvistöðinni á Ísafirði og mættu þar starfsmenn Snerpu ásamt fjölmörgum úr Slökkviliði Ísafjarðar og fulltrúum Ísafjarðabæjar í kökur og kaffi.
Innihald síðunnar miðast við að hafa allar upplýsingar vel sýnilegar og aðgengilegar hinum almenna borgara. Myndir skipa stórann þátt í efni vefsíðunnar og má þar finna hinar ýmsu myndir frá starfi slökkviðiðsins í gegnum árin. Slökkviliðið vill koma því á framfæri að ef að þú eða einhver sem að þú þekkir lumar á myndum af slökkviliðstarfi eða öðru tengdu því, að hafa samband við þá.

Starfsfólk Snerpu ehf óskar Slökkviliðinu til hamingju með nýjann vef.

Endilega lítið á vefinn.
...
Meira

Snerpa óskar viðskipavinum nær og fjær velfarnaðar á nýju ári og þakkar viðskiptin á liðnum árum.
...
Meira

Snerpa hefur ákveðið að gefa starfsfólki sínu aukafrídag á milli jóla og nýárs og verður því fyrirtækið lokað þann 27. desember. Þeim sem þurfa nauðsynlega á þjónustu að halda er bent á að bakvakt er í síma 840-4000 til að kalla út starfsmann.

Við óskum viðskiptavinum okkar til sjávar og sveita gleðilegra jóla og farsæls komandi árs og þökkum fyrir viðskiptin á liðnum árum, í stað þess að senda út hefðbundin jólakort til helstu viðskiptavina höfum við ákveðið að styðja við bakið á þeim sem sárt eiga um að binda þessi jól....
Meira