1700 undirskriftum sem safnað var hér, hafa verið afhentar forsvarsmanni verslunar Símans hf á Ísafirði. Undirskriftarsöfnun var hafin til að mótmæla breytingum sem fela meðal annars í sér að venjulegur ADSL notandi á Vestfjörðum greiðir sama verð fyrir 6MB/s tengingu og ADSL notandi á höfuðborgarsvænu borgar fyrir 12MB/s.

Hér má lesa það sem Matthildur Helgadóttir framkvæmdastjóri Snerpu hafði að segja við afhendingu listans:

"Ég kem hér með á framfæri undirskriftum og athugasemdum rúmlega sautján hundruð manns, sem skrifað hafa undir mótmæli við þjónustubreytingum hjá Símanum. En þær hafa orðið til þess að stór hluti landsins, Vestfirðir, Vesturland og Austurland borga meira fyrir minni hraða á Internetinu.

Síðan þessi undirskriftasöfnun hófst hafa einu viðbrögð Símans verið sú að á næsta ári sé fyrirhugað að byrja á uppfærsu á tækjabúnaði sem mun gera þeim kleyft að veita þessum íbúum sambærilega þjónustu við stór Reykjavíkursvæðið og Akureyri.

Fyrir hönd þessa fólks krefst ég svara um það hvenær fyrirhugaðri uppfærslu eða breytingu á búnaði líkur. Hvenær mun fólk á t.d Ísafirði og Egilstöðum fá þá þjónustu sem það greiðir fyrir."

Mynd frá bb.is
...
Meira

Súðavíkurhreppur hefur tekið í notkun endurhannaða og betrumbætta vefsíðu. Vefsíðan var hönnuð af vefdeild Snerpu og tók endurhönnun hennar um 1 1/2 mánuð. Unnið var í nánu samstarfi með Ómari Má Jónssyni við endurskipulagningu efnis og nýjungum sem gætu bætt vefsíðuna og notendagildi hennar. Ýmislegt kom upp úr því samstarfi og hafa þessar hugmyndir verið settar inn. Þar af má t.d nefna "Sveitarstjórinn bloggar" og ýmis myndabox sem skipta myndum við hverja endurhlöðun síðunnar. Nýjar myndasyrpur voru settar inn og voru þær myndir teknar af áhugaljósmyndaranum Þórði Sigurðsyni. Myndir spila stóran þátt í hönnun síðunnar og er auðvelt að gera sér grein fyrir umhverfi og lífi Súðavíkurhrepps með því að skoða síðuna. Einnig hefur aðgengi fyrir þá sem eiga erfitt með lestur venjulegs leturs verið bætt og er hægt að stækka texta síðunnar í 3 skrefum.
Einnig var hönnuð vefsíða fyrir Súðavíkurskóla, en hún er í sama stíl og síðan fyrir hreppinn. Þar má finna allar upplýsingar um skólastarf í Súðavík, allt frá leikskóla til grunnskóla.

Súðavíkurhreppur er fimmta vefsíðan sem tekur kerfið Snerpill Vefumsjón í notkun. Aukning í notkun kerfisins er mjög stöðug og eru nokkrar vefsíður í pípunum sem munu líta skjásins ljós næstu mánuði. Eftirspurn í kerfið hefur verið vonum framar og er Snerpa mjög ánægð með viðtökurnar.

Ómar már Jónsson Sveitastjóri Súðavíkurhrepps hafði þetta að segja um samstarfið við Snerpu og Snerpil Vefumsjón:

"Súðavíkurhreppur hafði stefnt að því að endurbæta síðuna um tíma og unnið var að því undafarið ár að finna rétta stjórnkerfið sem myndi gera umsjón heimasíðunnar sem einfaldasta og þægilegasta. T.d. þyrfti að vera auðvelt að setja inn og taka út efni og ætti vefumsjónarmanneskja að geta með einföldum hætti uppfært síðuna án vandkvæða þegar þess gerist þörf.

Eftir að hafa skoðað ýmsa möguleika ákvað Súðavíkurhreppur að fá Snerpu til verksins, en leist þeim best á stjórnkerfi sem Snerpa hefur hannað frá grunni og hefur verið að gefa góða raun. „Það er ánægjulegt frá því að segja að snerpa starfsmanna Snerpu var til fyrirmyndar hvort sem var við beiðnum um breytingar eða aðstoð færslu gagna eða annað og að mínu viti standast þeir því á allan hátt samanburð við þá sem taldir eru með þeim fremstu í heimasíðugerð á landinu. Til að undirstrika það, leið aðeins einn og hálfur mánuður frá því að gerður var samningur við Snerpu um hönnun og þjónustu við gerð nýrrar heimasíðu og þar til þeirra þætti var meira og minna lokið við útlit og stjórnkerfi síðunnar.“ Ómar segir ánægjulegt að geta verslað í heimabyggð og fá jafnframt það besta sem völ er á."

Skoða má vefsíðuna með því að klikka hér....
Meira

Hafin hefur verið undirskriftasöfnun til að mótmæla þeim þjónustubreytingum hjá Símanum, að landsmenn fá ekki allir þá þjónustu sem þeir greiða fyrir. Þannig borgar t.d. venjulegur ADSL notandi á Vestfjörðum sama verð fyrir 6MB/s tengingu og ADSL notandi á höfuðborgarsvæðinu borgar fyrir 12MB/s.

Aftur til fortíðar?

Við undirrituð krefjumst þess að Síminn veiti þá þjónustu sem við borgum fyrir og dragi til baka þá ákvörðun að skipta landinu upp í misdýr gjaldsvæði í skjóli einokunar!

Undirskriftasöfnun þessi er til komin vegna fjölda fyrirspurna viðskiptavina Snerpu og óánægju þeirra með það að hafa verið látnir sitja eftir í þessar þjónustubreytingar hjá Símanum.

Neðangreint efni er tekið úr pósti frá símanum 28.08.06

Á morgun verða gerðar eftirfarandi breytingar á ADSL þjónustu Símans:

ADSL 4000 (4 Mb/s) verður ADSL "allt að" 8 Mb/s
ADSL 6000 (6 Mb/s) verður ADSL "allt að" 12 Mb/s

Breytingarnar taka gildi strax hjá nýjum viðskiptavinum, en stefnt er á að klára uppfærslu á núverandi viðskiptavinum fyrir 1.október.

Til að geta fengið hámarkshraða áskriftar, þurfa viðskiptavinir að uppfylla þessi skilyrði:

Háð staðsetningu, aðeins í boði á eftirfarandi svæðum:
Höfuðborgarsvæðið, Mosfellsdalur, Grindavík, Sandgerði, Garður,
Keflavík, Njarðvík, Vogar, Akranes, Borgarnes, Akureyri, Húsavík,
Vestmannaeyjar, Hvolsvöllur, Hella, Stokkseyri, Eyrarbakki, Selfoss,
Hveragerði eða Þorlákshöfn
Með ADSL2+ hæfan endabúnað
Thomson 585
Sagem 1500 eða 1540
Háð línugæðum og línulengd frá símstöð, innan við 3 Km frá símstöð.
Háð því að innanhúslagnir séu í lagi.

Síminn mun samt sem áður aldrei tryggja að viðskiptavinir nái hámarkshraða.

Taktu þátt í undirskriftasöfnuninni með því að smella hér...
Meira

Kaffihúsið Langi Mangi hefur opnað nýja vefsíðu á slóðinni http://www.langimangi.is.

Þar er að finna helstu upplýsingar um staðinn, matseðil, spurningakeppnina Drekktu Betur, listasýningar og viðburði staðarins, eins og t.d tónleika, uppákomur og fleira.

Vefsíðan var hönnuð af vefdeild Snerpu ehf og var hún sett upp í vefumsjónarkerfinu Snerpill Vefumsjón.

Starfsfólk Snerpu ehf óskar Langa Manga til hamingju með nýju vefsíðuna....
Meira

Undanfarnar vikur hefur verið í hönnun ný vefsíða fyrir Símaverið ehf. Tók Snerpa að sér hönnun á vefsíðu og logoi og þar með ímyndarbyggingu fyrirtækisins. Símaverið ehf keypti vefumsjónakerfi af Snerpu og er þriðja vefsíðan sem notar Snerpil Vefumsjón. Nú sér Símaverið alveg um vefsíðuna sína sjálf og segir Hannes Haraldsson framkvæmdastjóri í fyrstu frétt á Simaverið.is að kerfið sé auðvelt í notkun og gleður það okkur að heyra það. Á vefsíðunni er að finna allar upplýsingar um þjónustu og starfsfólk. Þar má líka finna umsagnir viðskiptavina Símaversins og stutta sögu fyrirtækisins. Simaverið.is er aðalega upplýsingasíða en þar munu líka verða skrifaðar fréttir af starfsemi Símaversins.

Snerpa ehf óskar Símaverinu til hamingju með nýja vefsíðu.
...
Meira

Síðastliðna mánuði hefur margt verið að gerast hjá Snerpu ehf. Í síðustu frétt sögðum við frá nýju vefumsjónarkerfi og vefsíðum sem hafa verið að nota það. Kerfið hefur fengið það skondna nafn Snerpill sem var eiginlegt vinnuheiti, en stóð svo upp úr öllum tillögum sem voru ræddar. Hér má sjá skjáskot af logoi Snerpils. Snerpa hefur einnig verið að huga að andlitslyftingu á logoi fyrirtækisins og hefur nýtt verið hannað. Geta glöggir lesendur síðunnar séð að skipt hefur verið um logo í vinstra horninu efst á síðunni. Einnig látum við fylgja fréttinni mynd af logoinu. Hér má svo sjá stærra skjáskot. Mun svo allt sem notað hefur gamla logoið fá það nýja í staðin. Snerpa keypti á dögunum nýjan bíl af gerðinni Volkswagen Fox og mun hann einnig skarta nýja logoinu á næstu dögum.
...
Meira

Nú er að ljúka stórum áfanga í þróunarstarfi Snerpu. Undanfarna mánuði hefur vefhönnunardeild Snerpu þróað öflugt vefumsjónarkerfi sem getur séð um allar tegundir vefsíðna. Er þetta vefumsjónarkerfi byggt þannig upp að notandinn getur alfarið séð um allt efni (texta, myndir, tengla) á síðunni á mjög auðveldann hátt. Allar aðgerðir innan kerfis eru hannaðar með það í huga að venjulegur tölvunotandi eigi auðvelt með að nota það og þarf enga sérkunnáttu í meðferð mynda eða texta. Allar aðgerðir fara fram innan þeirrar síðu sem notandinn vinnur í .

Sjá skjáskot af vefumsjónarkerfi:

• Skjáskot 1
• Skjáskot 2
• Skjáskot 3
• Skjáskot 4

Kerfið býður upp á marga möguleika sem nýtast vel við umsjón vefsíðna og ber þar helst að nefna:

• Fréttakerfi með myndakerfi og skoðunum
  
• Starfsmannalista
• Póstlista
• Myndagallerý
• Notendakerfi
• Skráarstjóra
• Tenglakerfi
  
• Síðuhlutakerfi
• Tungumálastjóra
• Bannerakerfi
• Gestabók
• Mjög öflugt leitarkerfi
  

Snerpa vefhönnun hefur hannað tvær vefsíður í þessu kerfi og hafa þær verið að koma mjög vel út. Skútusiglingar ehf sem reka skútuna Aurora og vefsíðuna boreaadventures.com fengu afhentan sinn vef 14/08/06 og blabla.is sem er einskonar játningavefur þar sem þú getur skrifað inn þínar leyndustu hugsanir.

Snerpa vill nota tækifærið og óska eigendum boreaadventures.com og blabla.is til hamingju með vefsíðurnar.

Nokkur verkefni eru í hönnun og uppsettningu og munu þær líta dagsins ljós innan skamms. Nóg er að gera innan vefgeirans á vestfjörðum og vonum við hjá Snerpu að þetta kerfi eigi eftir að nýtast sem flestum sem hafa hug á að reka árangursríkar vefsíður. Engin þörf er lengur á að leita utan vestfjarða eftir vefhönnun, því Snerpa getur boðið upp á alla slíka þjónustu hér heima, hvort sem það er vefhönnun eða hýsing vefsíðna. Kerfið ræður við allar tegundir vefsíðna, hvort sem það er minni síða eða fyrir stórar stofnanir eða fyrirtæki.
Snerpa hefur innan sinna raða mjög hæft og menntað starfsfólk sem geta allt það sem þeir fyrir "sunnan" geta, og þó víðar væri leitað !
...
Meira

Smellið hér fyrir skráningu í pappírslaus viðskipti

Seðilgjald að upphæð kr. 230.- verður lagt á alla á greiðsluseðla vegna áskriftargjalda og annarar þjónustu Snerpu frá og með 1. september n.k.

Viðskiptavinir Snerpu geta sparað sér þetta gjald með því að skrá sig í pappírslaus viðskipti hér. Annað hvort með því að velja pappírslausan greiðsluseðil eða boðgreiðslur Visa eða Euro. Pappírslaus greiðsluseðill þýðir að viðskiptavinur fær ekki greiðsluseðil í pósti en krafan verður til í bankakerfinu og hægt verður að greiða hana í öllum heimabönkum. Boðgreiðslur Visa og Euro skuldfærast af korti viðskiptavinar mánaðarlega. Athugið að ekki er hægt að borga umframnotkun með boðgreiðslum því upphæðin er breytileg.

...
Meira

Á undanförnum árum hefur Snerpa séð fram á veginn og sett lagnir í opna skurði hér á Ísafirði. Var þetta hugsað til framtíðar, er gagnafluttningur myndi aukast fyrir stofnanir og stærri fyrirtæki. Nýttist þetta mjög vel því undanfarnar vikur hafa staðið yfir stórframkvæmdir á vegum Snerpu í lagningu ljósleiðara. Sparaði þessi framtíðarsýn mikinn uppgröft og var án mikillar fyrirhafnar hægt að leggja ljósleiðara fyrir nauðsynlega tengipunkta. Lagður var strengur niður í stjórnsýsluhús og einnig upp í sjúkrahús. Settur var upp endabúnaður í Snerpu, stjórnsýsluhúsinu og í sjúkrahúsinu. Sjúkrahúsið er nú þegar komið í samband og mun þetta auka flutningsgetu gagna mjög mikið. Næstir í röðinni eru svo Ísafjarðarbær og mun tengingu þangað verða lokið fljótlega. Gert var ráð fyrir fleiri tengipunktum í leiðinni vegna hugsanlegra kúnna. Lagningu röra í jörð mun verða haldið áfram á vegum Snerpu og stefnt er að áframhaldandi lagningu ljósleiðara næsta sumar....
Meira

Nýrri vefsíðu hefur verið hleypt á vírana frá Snerpu Vefhönnun. Þetta er vefsíða fyrir fyrirtækið Plan 21, sem rekur Hótel Núp við Dýrafjörð. Hefur þessi vefsíða að geyma allar upplýsingar fyrir gisti og veitingaþjónustu Hótel Núps. Hótel Núpur leggur mikla áherslu á veitingastað sinn, en þar starfa erlendir kokkar sem eru menntaðir í frönsku eldhúsi. Stutt er yfir á Núp frá helstu byggðakjörnum vestfjarða og hvetjum við alla til að kíkja á nýju vefsíðuna þeirra og kynna sér málin.

Skoða vefsíðu Hótel Núps

Snerpa hefur nýverið lagt meiri áherslu á vefhönnunarstarf innan fyrirtækisins. Er þetta kærkomin viðbót við hið fjölbreytta starf sem Snerpa hefur upp á að bjóða. Nýlega var ráðinn menntaður margmiðlunarhönnuður í raðir starfsfólks Snerpu og er starfsvið Snerpu orðið mjög breytt á sviði tölvumála og upplýsingatækni. 2 starfsmenn sjá nú um vefhönnun Snerpu, þeir Baldur P. Hólmgeirsson vefforritari og Ágúst G. Atlason margmiðlunarhönnuður. Baldur hefur einmitt unnið sér það til frægðar að hafa hannað vinsælasta bloggkerfi landsins, bloggar.is. Nýtist breitt verksvið Snerpu vel í þessum málum, því til að gera vefdeildina að enn sterkari heild að þá er kerfistjóri Snerpu, Hjörtur Arnþórsson þeim innan handar til að auðvelda öll aðgengismál vefjanna. Snerpa Vefhönnun leggur mikla áherslu á að hafa vefi sína aðgengilega og hannaða eftir nýjustu stöðlum internetsins. Einnig er mikil áhersla lögð á hönnun innanhúss kerfa fyrir fyrirtæki og stofnanir. Þar má helst nefna nýtt innrakerfi sem er komið í notkun í nokkrum stöðum sem sinnir verkbókhaldi, heldur utan um viðskiptavini og ýmislegt fleira.

Hýsingarmál eru okkur líka hugleikin og höfum við lagt áherslu á að skapa sem best umhverfi fyrir vefi og öryggi gagna viðskiptavina okkar eru okkur mikilvæg. Allar okkar hýsingar fara fram á vönduðum netþjónum sem eru vaktaðir allann sólahringinn. Nýlega hafa nokkrir stórir vefir bæst við á vefþjóna Snerpu og ber þá helst að nefna strandir.is, isafjörður.is, thingeyri.is og ov.is

Meira um Snerpu Vefhönnun
...
Meira