...
Meira

Snerpa hefur nú komið upp sérstökum vefþjóni fyrir EcWeb vefumsjónarkerfið sem er öflugt vefumsjónarkerfi fyrir hýsingu á Windows 2003 vefþjónum.

Nokkur vestfirsk fyrirtæki og sveitarfélög hafa gert samninga um hýsingu á EcWeb kerfinu og verða þessir vefir allir hýstir hjá Snerpu og munu opna hver af öðrum á næstu vikum. Nú þegar hafa verið opnaðir nýir vefir fyrir Odda hf. á Patreksfirði (http://www.oddihf.is/) og Orkubú Vestfjarða (http://www.ov.is/) og í smíðum eru m.a.nýir vefir fyrir Bolungarvíkurkaupstað og Ísafjarðarbæ.

Með þessu mun Snerpa auka breidd á þjónustu sinni enn frekar og skapast með þessarri breytingu ný tækifæri til að þjónusta kröfuharða notendur hvað varðar hýsingu vefja á sérhæfðan hátt. Jafnframt mun Snerpa áfram bjóða hýsingu á vefjum í Unix umhverfi enda er þar um mjög fjölhæfa þjónustu að ræða fyrir þá sem þurfa trausta og góða vefhýsingu með hámarks sveigjanleika á ódýran hátt. Í bæði Windows- og Unix-hýsingu býðst eigendum léna einnig að nota netföng á sínu eigin léni með aðgangi að vefpósti og afar öflugum ruslpóstvörnum....
Meira

Gengið hefur verið frá tengingu á vefmyndavél sem komið hefur verið fyrir í Stjórnsýsluhúsinu á Ísafirði og sést úr henni yfir á Silfurtorg í miðbænum. Hægt er að skoða lifandi mynd úr vélinni á vefslóðinni http://webcam.isafjordur.is/home/JViewer.html Vélin er í eigu Ísafjarðarbæjar en Snerpa leggur til tengingu við Internetið.

Einnig er hægt að skoða myndina úr vélinni á vefmyndavélarsíðu Snerpu og á veður- og samgönguvef bb.is...
Meira

Íbúar í Hnífsdal geta nú glaðst yfir því að nú er hægt að fá
ADSL-tengingar í  Hnífsdalnum. Starfsmenn Snerpu veita fúslega
allar frekari upplýsingar í síma 520-4000 eða í tölvupósti á
snerpa@snerpa.is. Við minnum á tilboð okkar til Hnífsdælinga sem var
borið í hús um daginn og einnig á það að Snerpa getur séð um pöntun á
ADSL-línunni hjá Símanum. Einnig viljum við taka fram að binditilboð
Símans bindur notendur einungis gagnvart ADSL-línu en netþjónustuna
þarf ekki að kaupa hjá Símanum sé binditilboðinu tekið. - Betri
þjónusta...!
...
Meira

Snerpa hefur ákveðið að bjóða notendum í ADSL-þjónustu upp nýja netþjónustu sem ber nafnið Frítt niðurhal
Grunnþjónustan kostar einungis 4.000 kr. á mánuði og í henni verður innifalin sama þjónusta og annarri ADSL-þjónustu auk þess sem notendur fá fría útlandaumferð. Að auki eru gerðar breytingar á þeiri þjónustu sem í boði var fyrir þannig að þeir sem hafa keypt 1 GB gagnamagn á ADSL fá nú fyrir sama verð 1,25 GB og verð á umframgagnamagni lækkar í kr. 2,20 pr. MB. Verð á umframgagnamagni í minnsta flokknum sem er 250 MB lækkar einnig úr 4 kr. pr. MB í 3,20.

Að auki er nú sett á verðþak í ADSL þannig að ADSL-notendur greiða aldrei fyrir meira en sem svarar um 2 GB af útlandaumferð. Þessar breytingar eru boðaðar nú þar sem Snerpa telur sig geta fylgt á eftir stærri netþjónustum landsins með jafngóða eða betri þjónustu. Einnig er innifalin föst IP-tala og allt að fimm pósthólf.

Jafnframt breytingunum í ADSL-þjónustunni verða einnig samsvarandi lækkanir á umframgjöldum í örbylgjuþjónustu Snerpu og einnig stækkar 1 GB verðflokkurinn þar í 1,25 GB fyrir sama gjald. Enn sem komið er verður þó ekki í boði frítt niðurhal eða verðþak á þeim tengingum þar sem ekki hefur orðið nein lækkun á samböndum hjá Landssíma Íslands hf. á þá staði þar sem boðið er örbylgjusamband.

Nánari upplýsingar er að finna í verðskrá Snerpu hér....
Meira

- Snerpa fagnar 10 ára afmæli



Á morgun, 25. nóvember verður Snerpa 10 ára. Í tilefni af því ætlar Snerpa

að bjóða netáskrifendum sínum upp á frítt niðurhal á netumferð dagana

27.-28. nóvember. Þar með er þó ekki allt talið því að netáskrifendur með

sítengingu hjá Snerpu fá einnig tífalt niðurhal frá útlöndum í desember.

Boðið gildir til allra viðskiptavina, bæði núverandi og einnig til allra

sem kaupa netáskrift hjá Snerpu til áramóta.



Þann 25. nóvember 1994 var stofnað á Ísafirði fyrirtækið Snerpa. Tilgangur

félagsins var sagður vera að stofna svæðismiðstöð til tenginga við

Internetið, veraldarvefinn og tölvupóstþjónustu sem var þá ný þjónusta sem

fáum fannst á þessum tíma líklegt að þeir hefðu þörf fyrir. En tímarnir

breytast og mennirnir með eins og þar segir. Nú starfa hjá Snerpu 7

starfsmenn í fullu starfi og þjónusta þeir notendur með um 4.000 netföng.

Snerpa rekur eitt af stærri víðnetum landsins í örbylgjuþjónustu á 13

stöðum á landinu og hefur einnig frá árinu 2001 boðið þjónustuna INmobil

sem sér sjómönnum fyrir tölvupósts- og upplýsingaþjónustu á hafi úti.

---

Sjónvarp yfir ADSL



Vegna frétta af því að Síminn er að hefja sjónvarpsdreifingu yfir ADSL hefur borist töluvert af fyrirspurnunum um þjónustuna. Til að einfalda málið fyrir notendur okkar höfum við tekið saman algengar spurningar um þjónustuna og svör við þeim:

Meira......
Meira

Vegna frétta af því að Síminn er að hefja sjónvarpsdreifingu yfir ADSL hefur borist töluvert af fyrirspurnunum um þjónustuna. Til að einfalda málið fyrir notendur okkar höfum við tekið saman algengar spurningar um þjónustuna og svör við þeim:





Get ég keypt netþjónustuna hjá Snerpu?


Já. Netþjónustan notar ekki sömu rás og sjónvarpsmerkið og er óháð því.


Hvað þarf ég til að geta tekið við sjónvarpi yfir ADSL?

• ADSL-tengingu (línu) frá Símanum á símstöð sem sendir sjónvarpsmerki inn á ADSL.
  
  
• Endabúnað (ADSL-beini) sem styður sérrásir fyrir sjónvarpsmerkið.
  
  
• Afruglara sem fylgir áskriftinni og þú færð hjá Símanum.

Meiri upplýsingar hér......
Meira

Ákveðið hefur verið að auka afköst á örbylgjuneti Snerpu. Í boði hafa verið tveir hraðar, 256 kbps og 512 kbps. 256 kbps hraðinn verður áfram í boði en 512 kbps hraðinn verður aukinn í 768 kbps. Þessar breytingar eru gerðar án þess að það hafi í för með sér hækkun gjalds fyrir þjónustuna. Lokið er við að framkvæma breytingarnar á öllum stöðum þar sem örbylgjunet Snerpu er í boði.



Ástæða er til að taka fram að þar til nýlega voru afköst á örbylgjuneti Snerpu sambærileg við ADSL. Þetta hefur breyst þar sem Síminn jók afköst í ADSL-kerfinu án kostnaðaraukningar fyrir notendur og hafa því jafnframt allir ADSL-notendur Snerpu nú fengið aukinn hraða í ýmist 1, 2 eða 3 Mbps. Því miður hefur ekki verið hægt að fylgja þessu eftir í örbylgjusamböndum, þar sem Síminn er ekki tilbúinn að auka afköst í samböndum sem Snerpa notar á milli staða án kostnaðaraukningar fyrir notendur.



Þrátt fyrir þetta var ákveðið að gera þessar breytingar eftir prófanir á því hvort hægt er að bjóða aukinn hámarkshraða án þess að það hafi áhrif á gæði sambanda en einnig er verið að fylgja því markmiði Snerpu að bjóða ávallt bestu þjónustu sem möguleg er fyrir það gjald sem greitt er.



Örbylgjunet Snerpu er fáanlegt á Hólmavík, Drangsnesi, Bíldudal, Þingeyri, Flateyri, Suðureyri, Ísafirði, Hnífsdal, Bolungarvík, Súðavík, Reykhólum, í Gilsfirði og á Þórshöfn....
Meira

Þann 14. október sl. luku RIPE NCC (Réseaux IP Européens Network Coordination Centre) og Internet á Íslandi hf. (ISNIC) við að setja upp spegileintak ("mirror instance") af einum af rótarnafnaþjónum Netsins. Þetta eintak er sett upp við skiptipunkt íslenskrar netumferðar (RIX - Reykavík Internet Exchange) í Tæknigarði við Dunhaga.



Rótarnafnaþjónn K er einn af 13 rótarnafnaþjónum Netsins sem sjá um að vísa uppflettingum léna á Netinu rétta leið. Þessir þjónar eru þannig mikilvægur grunnþáttur í virkni netsamskipta í heiminum. Rótarnafnaþjónarnir mynda miðhluta

lénakerfis Netsins (DNS) sem notað er til að varpa nöfnum sem menn nota almennt yfir í hin eiginlegu vistföng á netinu sem tölvur og hugbúnaður nota til að komast leiðar sinnar.



K þjónninn í Reykjavík er nýjasta eintakið af þeim sem RIPE NCC hefur sett upp undanfarið. Til að dreifa þessum eintökum um heiminn er notuð ný IP tækni (IP fjölvarp, "anycasting"). Með þessu móti fæst mjög örugg og dreifð tenging, sem er ónæmari fyrir ýmsum tegundum rekstartruflana, heldur en hefðbundnari leiðir til að tryggja rekstraröryggi.



Vegna tenginga Íslands við umheiminn, er sérlega mikilvægt fyrir netrekstraraðila hér á landi að hafa greiðan aðgang að a.m.k einum rótarþjóni. Eðli þessarar tækni er þannig að missi menn alveg samband við alla rótarþjóna, verður að lokum einnig erfiðleikum bundið að hafa samband innanlands. ISNIC hefur þvi unnið að undirbúningi þess að fá eintak af rótarþjóni til landsins í tvö ár. K þjónninn varð fyrir valinu og sem fyrr segir lauk þeirri vinnu með uppsetingu hans við RIX.



RIPE NCC hefur rekið K þjóninn í London síðan 1997, og síðan 2003 hafa verið sett upp eintök af K í Amsterdam, Frankfurt, Aþenu, Doha og Mílanó, og nú síðast í Reykjavík.



Frekari upplýsingar um K rótarþjóninn má finna á http:/k.root-servers.org/, um RIPE NCC á http://ripe.net/, um Internet á Íslandi (ISNIC) á http://isnic.is/ og um Reykjavík Internet Exchange (RIX) á http://rix.is/.



Því má bæta við ofangreint að Snerpa setti upp beintengingu (peering) við K rótarþjóninn 15. október sl....
Meira

Snerpa og Radiomiðun hafa nú hafið rekstur á þjónustunni Flotavakt, sem er sjálfvirk sending á staðarákvörðunum skipa til Vaktstöðvar siglinga. Þessi þjónusta er í boði fyrir þau skip sem nota INmobil samskiptabúnaðinn. INmobil er samskiptatölva sem leysir á öflugan og hagkvæman hátt þarfir fyrir tölvusamskipti á milli skipa á hafi úti og aðila í landi, á sama hátt og gert er með hefðbundnum samskiptaaðferðum á Internetinu. Um borð eru gögn um staðsetningu sótt beint inn á GPS-staðsetningarbúnað og skráð. Á völdum tímum eða með tilteknu millibili er síðan hægt að senda staðsetningar til útgerðar eða Vaktstöðvar siglinga. Jafnframt er hægt að velja um að nýjustu upplýsingar úr Flotavakt komi í hvert skipti sem önnur samskipti, t.d. tölvupóstur er sendur í land og spara þannig tengitíma.



Tvö skip eru nú þegar byrjuð að senda upplýsingar til Vaktstöðvar siglinga á þennan hátt og er verið að setja Flotavakt upp í fleiri skip. Að öllu jöfnu er notast við gervihnattakerfin Iridium og GlobalStar til samskipta en einnig er hægt er að nýta sér NMT-farsímakerfið á grunnslóð og jafnvel GSM þar sem þjónustusvæði þess nær.



Frekari upplýsingar um INmobil eru á http://www.inmobil.net/...
Meira