Vegna bilunar í póstsíu vinnur hún á helmings afköstum og hefur því myndast nokkur biðröð.

Unnið er að viðgerð.

Truflanir eru á netsambandi við Hólmavík og Drangsnes vegna vinnu við örbylgjusambönd Mílu á Hátungum. Samband fór niður kl. 10:50-11:05 og aftur kl. 11:16-11:22 Unnið er að lagfæringum.

Vegna greiningar á vandamálum í ADSL tengingum hjá notendum, mun hluti notenda verða sambandslaus í um það bil klukkustund í senn.
Þessi truflun mun vara eftir 13:00 í dag, 15.05.1009.
Við biðjumst velvirðinga á þeim truflunum sem þetta veldur.

Bilun í router hjá Snerpu hefur valdið truflunum á sambandi hjá ADSL notendum Snerpu, unnið er að greiningu og viðgerð á biluninni.  Við biðjum notendur okkar velvirðingar á þeim óþægindum sem þetta kann að valda.

Bilun olli ítrekuðum truflunum í dag í skamma stund í einu en við höfum nú komið fyrir nýjum router vegna þjónustunnar sem ætti að verða til þess að vandamálið er úr sögunni. Nýi routerinn var tengdur kl. 18:00

 

Auðkenningarþjónn Snerpu bilaði um kl. 19 í kvöld. Af þeim sökum rofnaði samband notenda á ADSL og örbylgjutengingum á tímabilinu kl. 19-20 mislengi hjá hverjum og einum. Bilunin er yfirstaðin.

Vegna breytinga í vélasal mun hluti vefja sem hýstir eru hjá Snerpu liggja niðri í 5-30 mínútur eftir kl 17:00 í dag 28 apríl 2009.

Þetta mun meðal annars hafa áhrif á vefpóst Snerpu, en ekki Snerpuvefinn eða aðra vefi sem nota Snerpill.

Við biðjumst velvirðingar á þessum óþægindum.

 

 

Tilkynning frá Símanum. Búast má við að þetta hafi áhrif á alla viðskiptavini Snerpu.

Vegna flutnings á IP-búnaði og ljósleiðarahillum milli skápa verður rask á þjónustu IP-netsins þar í bæ á fimmtudagsmorgun, 12. mars 2009. Hefur þetta áhrif á Internetþjónustu xDSL notenda (á öllum Vestfjörðum), ADSL+ (á norðanverðum Vestfjörðum) auk Serial- og Ethernet- (EyK- og ljós-) tenginga á Ísafirði.
Rof gæti orðið í allt að 30 mínútur en vonast er til að unnt verði að þorri sambanda rofni skemur en svo.

 Frá : 2009-03-12 05:00:00  Til : 2009-03-12 07:00:00

Vegna slits á ljósleiðara á milli Krossholts og Patreksfjarðar er netsamband milli landshluta komið á varaleið. Þetta getur þýtt að netsamband sé hægara en ella. Auk truflana á netsambandi hefur þetta áhrif á útvarp og GSM sambönd en verið er að vinna við að flytja umferð á varaleiðir. kl. 16:23 Komið hefur í ljós að ljósleiðari slitnaði í Mikladal ofan við Patreksfjörð. Viðgerðarmenn eru lagðir af stað og mun bilunin vara fram eftir kvöldi. Samband gæti verið komið á um kl. 21. Vegna þessa er jafnframt úti útvarp á Vestfjörðum nema Rás 2. Einnig sést ekki sjónvarp yfir ADSL á Vestfjörðum vegna þessa. Viðgerð lokið kl. 23:46

Bilun varð í varaaflgjafa sem tengdur er við hluta netbúnaðar Snerpu í dag kl. 15:10

Þar sem verið var að vinna að undirbúningi á tengingu nýrrar 30kW varaaflstöðvar þegar bilunin varð höfðu þau varakerfi sem eiga að taka við, við svona bilun verið aftengd tímabundið og því varð hluti notenda var við truflunina sem af þessu hlaust.

Fór við þetta samband af öllum ADSL-notendum Snerpu og hluta fyrirtækjatenginga og einnig hluta af örbylgjunotendum.

Fyrstu tengingar voru komnar inn aftur kl. 15:16 og flestar fyrirtækjatengingar kl. 15:18 ADSL-tengingar og hluti örbylgjutenginga tók hinsvegar lengur að koma á aftur en síðustu tengingarnar voru orðnar virkar kl. 15:30

Rofið varði því í um 20 mínútur hjá þeim sem fyrir mestum áhrifum urðu. Önnur þjónusta, s.s. hýsingarþjónusta, varð ekki fyrir áhrifum af þessarri bilun.

Við biðjumst velvirðingar á þeim óþægindum sem þetta kann að hafa valdið notendum.

Eins og áður segir standa yfir breytingar á rafkerfi í vélasal Snerpu vegna tengingar á nýrri ljósavél og af þeim sökum þarf að aftengja varakerfi um stundarsakir og átti þetta m.a. þátt í því að samböndin fóru niður þar sem varabúnaður var óvirkur um stundarsakir.

Á tímabilinu kl. 17-19 í dag verða framkvæmdar frekari lagfæringar til að ljúka viðgerð og er því ekki loku fyrir það skotið að sambandstruflanir gætu orðið í 10-15 mínútur hjá hluta notenda á meðan.

Auk uppsetningar á varaaflstöðinni hefur nú verið tekin í notkun viðbótar kælibúnaður í vélasal með það að markmiði að bilanir í kælibúnaði valdi ekki skertri þjónustu og má geta þess að kæligetan í vélasal getur nú dregið út um 14 kW af varma auk þess sem hægt er að grípa til 3 kW viðbótarafls að auki ef nauðsyn krefur. Eftir þessar breytingar verður mun betra að veita óskerta þjónustu, jafnvel þó að um langvarandi rafmagnstruflanir væri að ræða. Einnig opnast tækifæri til enn frekari aukningar í hýsingargetu Snerpu frá því sem nú er.

Að lokum viljum við nota tækifærið til að benda á að ef ADSL-routerar ná ekki sambandi eftir rof, getur reynst nauðsynlegt að aftengja bæði straum og símasnúru frá honum í stutta stund, en oft dugir ekki að ýta á on/off takkann.