Þessa dagana standa yfir breytingar vegna uppsetningar á nýjum aðalvefþjón hjá Snerpu. Þessi vél mun hýsa flesta vefi sem settir eru upp á Linux og einnig gagnagrunna sem þeim fylgja. Vélin er Hewlett Packard E60 Netserver með sk. RAID-spegluðum diskum sem auka gagnaöryggi og uppitíma.
Víðnetssamband Snerpu til Suðureyrar var í dag stækkað í 512 kbps. Með þessu eykst flutningsgeta verulega og Snerpa getur nú boðið fastlínusambönd á Suðureyri með mun meiri flutningsgetu en hingað til. Sambandið sem fyrir var var einungis 64 kbps þannig að stækkunin er áttföld.
Notendur Snerpu sem nota eða geta notað tvöfalt ISDN samband hafa átt í erfiðleikum sl. tvo daga við að tengjast. Lengi vel héldum við að þetta tengdist bilun sem kom upp í auðkenningarþjóni Snerpu en eftir að málið hafði verið kannað rækilega kom í ljós að bilunin er hjá Landssímanum.
Snerpa hefur tekið að sér að reka netþjón fyrir MarStar sem er samskiptakerfi fyrir póstsendingar yfir þráðlaus fjarskiptakerfi og er þróað af Netverki hf. Netþjónninn verður rekinn með sk. kerfisleigufyrirkomulagi og var gangsettur í síðustu viku.
ATM-gátt Snerpu er nú komin í fulla notkun en hún hefur verið keyrð undanfarið á prófunarfasa með einungis lítinn hluta af samböndum.
Snerpa býður nú, fyrst íslenskra netþjónustufyrirtækja, notendum sínum upp á valsíður. Á valsíðunum geta notendur notfært sér ýmsar sérþjónustur og fer þar fremst vefsía Snerpu, sk. INfilter en vefsían er þróuð af Snerpu og hefur verið í notkun hjá nokkrum aðilum, þar á meðal þeim grunnskólum sem tengjast Snerpu síðastliðið ár.
Snerpa